Published 2016-11-04 00:00:00
Yacht-kontrakt til Ulstein

Ulstein Verft har inngått kontrakt på bygging av ein yacht for ein privat eigar. Dette blir den første båten for Ulstein innan dette segmentet.

-Vi er svært glade for at valet fall på vår marine plattform og på vårt verft, dette er ei viktig kontrakt for oss i ein ny og spanande marknad, fortel konsernsjef Gunvor Ulstein i Ulstein Group.

Den marine plattforma og skroglinjene er utvikla av Ulstein Design & Solutions. Eksteriørdesignen og «general arrangement»(GA) teikningar, skal leverast av den anerkjente yacht-designaren Espen Øino.

-Vi har jobba godt og lenge med å utvikle eit solid og robust yacht-prosjekt. Kunden ønskte den karakteristiske X-BOW® frå ULSTEIN og saman med Espen Øino, som har ansvaret for eksteriørdesignen og GA-plan, har vi utvikla ei god totalløysing. Vi ser verkeleg fram til å realisere dette prosjektet, seier administrerande direktør Kristian Sætre i Ulstein Verft.

Fartøyet skal leverast første kvartal 2018. Planlegging og engineeringsarbeidet er i gang og prosjektet vil gi arbeid til ein betydeleg del av arbeidsstokken ved Ulstein Verft gjennom 2017. Yachten blir 88,5 meter lang og 16,3 meter brei.

© 2014 Shipping Publications as   Phone +47 331 81180   info@shipping-publ.no